Бадмин Николай. Теегин зурһуд. 2004

Делҗ һаран өргәд, Домбрин айсар дошв. Тулҗ ишкәд, мульҗад, Тоһстн кевтә цувлдв.

Манҗ көвүн хәләчкәд, Магтал хайҗ сүрәлкв. Көгтә домбрин айсла Келсн магталнь негдв.

Хальмг хойр көвүг Хәләҗ әмтн һәәхв. Ачта хойр биичиг Альх ташч йөрәв.

Биич көвүд зогсад, Бәәрән олҗ сууцхав. Баян авад, Манҗ Берннь эвлҗ дарв.

Җиңнсн вальсин айс Җирһләрн клубиг дүүргв. Байрта ирсн баһчуд Босн дегц биилцхәв.

Домбр, баяна әәг Дууна айсмуд сольв. Төрскн орн-нутган Тер дуундан магтцхав.

Олн хурсн нәр Өрүн күртл болв. Ду, би, наадн Дегц энд һарв.

11

Җирһлин сәәхн асхн, Җигтә баһ насн. Маңһс ик диилврмүд Маңһдур бәрхнь лавта.

МОСКВА - ХОТЛ БАЛҺСН

Орн-нутг болһнд Олн балһсд бәәнә.

Оньдинд теднәс негнь Орчлң амлҗ келнә.

Эн мана эңкр Москва.

Әмтнә ухан — Әрәсән зүркн.

Москва — хотл балһсн, Мана Төрскнә ухан. Җирһлтә булгин экн, Җилмүдин ут насн.

Һазадын олн орддас Гиичнр золһҗ ирцхәнә. Селм белдәчнриг шантрулх

Селвгтә төрмүд күүндцхәнә.

Үлгүр биш, үнниг Үзҗ, эдн медцхәнә. Хад чолун уульнц, Хамцңһу нииг үзцхәнә.

Москва — хотл балһсн, Мана Төрскнә ухан.

Җирһлтә булгин экн,

12

Җилмүдин ут насн.

ШИН СОВХОЗ

У теегин захд, Улата, акм-элстә, Уста, өвстә селәнд ”Улан хөөч” бүрдв.

Совхоз бүүрлсн бәәрнь Киитн булгин уста. Көдәнь, царңгнь эндән Көк девән өвстә.

Хавр энд сәәхн, Зун энд цегәхн, Намр энд серүхн, Үвл энд җөөлн.

Мал өскҗ дамшсн Манҗ, Бадм үкрчнртә. Хөд хәрүлҗ өссн Харҗ, Сәр хөөчнртә.

Торһн хурсхс өгдг Тохма олн хөөдтә. Уул хальмг тохмта Улан һалзн үкрмүдтә.

Шин совхозм, өс, Шунҗ хурдар батр! Шин совхозм, төлҗ, Шимтә хотан батл!

Эмнг бәәсн һазриг Энднь хаһлҗ сәәхрүл.

13

Олн совхозмудын зергләнд Ончта болхар зүтк.

КҮНДТӘ ХӨӨЧ ЦАҺАН

Ик царңгин көвәд Идҗ хөд тогтнна. Харадас хальҗ нисәд, Хөд деегүр наадна.

Деернь теңгр чилгр, Дулан нарн халулна. Дорань тег тиньгр, Делгү уняртҗ налана.

Тарад идшлсн хөөднь Торһн ноосн тохмта. Терүг хәрүлдг хөөчнь

Теегин үүрмүдтән тоомсрта.

Эн — мана эгч, Эндрк цага хөөч. Таңһчин зөөрин заяч, Теегин күндтә элч.

Цагин шүрүтә бәәдлиг Цаһан көдлмшәрн диилнә. Хурһлулҗ хөөдин төлиг Холванднь давулҗ өскнә.

Дассн хөөчин көдлмштән Дуран Цаһан нерәднә. Даңгин җиләс җилдән Диилвр икәр бәрнә.

Совхозин хөөч Цаһан Селәндән тоомсртад тоолгдна.

14

Өөдән ачлврин медаль Өрч деернь мандлна.

ХӨӨЧ КҮҮКН

Хөвтә күүкн Отхн Хальмгин теегтән ирлә. Халун зүркни дурарн Хөөч нер зүүлә.

Идгин шимтә һазртнь Идшлүлҗ хөөдән хәрүлнә. Эдл-ууш элвлҗүллһнд Эврә цогцарн орлцла.

Дурн туссн көдлмштнь Диилвр делдгдхнь лавта. Дүмбр цогцин чидлнь Диилдг күчн уга.

ХАВРИН ХУР

Лу җилин хаврар Лугшадхур орҗана. Нурһан тег тинилһәд, Ноһаһар кеерч шавшчана.

Һарар татсн мет Һазрт өвсн урһҗана. Өлнәр үвлзсн мал Өңгән сольҗ сәәрнә.

Теегин алтн зөөр — Тәрән шавшад урһҗана. Күүнә седкл байрлулад, Күрңтҗ буудя болна.

15

ӨНЧН ХУРҺН

Тонтр-тонтр гиһәд, Теегәр хурһн гүүнә. Энд-тендән хәләһәд, Экән хәәҗ эргнә.

Сурһульч Сережа тиигхд Сакман хәрүлҗ йовҗ. Хурһиг өнчинь медәд, Хәләҗ асрхар шиидҗ.

Үкрин бүлән үсәр Ууҗад, хурһан асрна. Удл уга тернь Усн-өвснд орна.

Хуучн өвс цуглулад, Хүүрә кевтр делгнә. Көк өвс бооһад, Күрх һазрт өлгнә.

Сенр аһарт һарһад, Сережа хурһан идүлнә. Теегин өвс шүүрәд, Тернь тогляд наадна.

Өнчн хурһн бооҗад, Өсәд хөн болна. Энүнә эзн Сережа Эрдмтә хөөч болна.

ТҮРҮН ҮГ

Зе күүкн эндр

16

Зурһаһан эклсн наста. Орс, хальмг келәр Оньдин келхдән дурта.

Хойр, һурвн гиһәд, Хурһан дарҗ тоолна. У, А темдгләд, Үзгүд дасхар дурлна.

Тетрадь экәсн авад, Татаслҗ үзгүд дуралһна. Эвтәкн һарарн эргүләд, ”Ээҗ” гиҗ бичнә.

Шар зүстә карандашар Шарһ нар зурна. Ээҗин халун дүриг Эн нарнла дүңцүлнә.

Бичкн бийнь селвгтә, Бийдән зөв ухата. Ээҗин кесн ачиг Эн мартшгонь лавта.

ХАВР

Хурц нарна күчнд Хәәлҗ цасн урсв. Нувг татҗ гүүһәд, Цуглрҗ цандг тогтав.

Үкр хармуд ирҗ, Үүрән ясч белднә. Нур, һол деер Нуһсд, һалуд ниргнә.

17

Ноһан көкрҗ шавшад, Наласн теегм кеерүлнә. Хөд, үкрмүд төлән авад, Хаврин теегиг дүүргнә.

Трактормуд, машид шуугҗ, Тәрәнә теегт күринә.

Тәрә, темс элвҗүлхәр Тәрәчнр адһҗ көдлнә.

ТООМСРТА ҮКРЧ ХАББА

Улан һалзн үкрмүднь У теегтән идшлнә. Урһмл шимтә һазртнь Удан Хабба хәрүлнә.

Өдр, сөөһин кемднь Өөдлҗ чивхнь немнә. Үкрч Хаббан дамшлтарнь Үүрмүднь ирҗ селвцнә.

Хурдн кеерән унад, Хабба үкрмүдән хәрүлнә. Орн-нутгин ачллһн — Орден өрчднь гилвкнә.

КҮЦСН ДУРН

Салькн үрвәд үләнә, Садын бүчр нәәхлнә. Сар мандлҗ герлтнә, Сөөһин харңһуг диилнә.

Дурлсн күүкән Бадм Дахулҗ нааран ирнә.

18

Эңкр иньг Байртадан Эңкрлгч седклән келнә.

Сарин герлд Байртан Сувсн сиикнь гилвкнә. Зеегтә хойр нүднь Зүрк авлҗ инәмсклнә.

Бульглсн зүркни дуран Бадм делгҗ илдкнә. Тачалта зүркнә цоклһинь Төвкнүлх зөвшәл күләнә.

Сөөг өдр сольна, Салькн номһрҗ тогтнна. Иньгүдин седкл негднә, Ирх җирһлнь күләнә.

МИНИ ЭҢКР БАЛҺСН

Уулын цецгәрсн беләр, Урссн һолмудын көвәһәр, Тосхгдсн кесг балһсд Төрскн нутгм кеерүлнә.

Тер олн балһсдас Теегин Элстм дүмбр. Тусхаҗ дурим авлсн Төрскн Элстм эңкр.

Уста нуурмудын көвәһәр, У теегин аһусар, Кесг олн балһсд

Күрилдҗ эндән дүңгәнә.

Туурмҗ диилврин туг Төрскн Москва күдр.

19

Диг зу давсн Дүүвр Элстм идр.

Теегин зүркн Элстиннь Туурмҗнь дуундан чимнәв. Ирх җирһлинь угтҗ, Иткҗ оньдинд билглнәв.

То уга балһсдас Теегин Элстм дүмбр.

Төрскнә килмҗд сәәхрсн Теегин Элстм эңкр.

ЭГЧНР

Моһа сарин нәәмнлә Мендлҗ, эгчнрән йөрәнәв. Даңгин цогцднь батрҗ, Диилвр бәрхинь дурднав.

Эгчнрм эндр - эмчнр – Эмнҗ әмт эдгәнә. Үклин эзн — гемиг Уңгарнь уга кенә.

Багшар кесгнь көдләд, Баһчудт медрл дасхна. Номин ораһур давшулад, Номтнр Төрскндән белднә.

Трактор, машид йовулад, Тәрәнә һазр эзлцхәнә. Темс-буудя урһаһад, Төрскн нутган байҗана.

Өнр эгчнрм — саальчнр — Өрм икәр хурана.

20